HINTERGLEMM!

Hallo Liebe Leute!

Þá erum við skvísurnar officially orðnar skíðakennarar!! whooop whooooop! Við erum voðalega ánægðar með að vera loksins sameinaðar á ný, eftir rúmlega þriggja vikna fjarveru frá hvor annari!

Við erum komnar til Hinterglemm þar sem við verðum allt seasonið. Þetta er rosalega lítill og krúttlegur bær, stutt í aðra litla bæi og maður getur skíðað á milli.

Helga er búin að vera hér í 2 vikur, rosa stuð. Orðin sjúklega góð á skíðum! Þessir 10 dagar sem Helga var hér voru þau krakkarnir bara að hafa það notalegt. Þau voru öll uppgefin eftir þessa 15 daga í Kaprun og það var voðalega gott að sofa bara út og skella sér svo á skíði í 3-4 tíma og slaka á.

Tinna var ekki alveg eins heppin, hún kláraði seinustu prófin á þriðjudeginum, fékk einkanirnar og brunaði svo beint hingað og svo byrjuðum við á 3 daga námskeiði í skólanum strax morguninn eftir.

Þetta er allt voðalega strangt hérna, ekki alveg einsog við erum vanar heima. Það er búið að hóta að reka Helgu þrisvar og við erum ekki einusinni byrjaðar að vinna. Við búum á sitthvorum staðnum, Helga býr í stóru húsi með öllum hinum krökkunum, en Tinna býr í kjallaranum hjá Joseph Fritzl! Þau eru 8 krakkar sem komust ekki fyrir í húsinu og þurfa að búa í kjallara undir gistiheimili hjá einhverri gamalli konu. Það eru frekar strangar reglur þar sem við búum, við megum ekki leyfa neinum að gista, við megum ekki hafa neitt drasl í herberginu okkar, við megum ekki hafa nein læti, sama hvað klukkan er. Þetta fór eitthvað svakalega fyrir brjóstið á okkur fyrst, rosalega lítið einkalíf sem við höfum finnst okkur, en þetta lítur allt miklu betur út núna. Við kláruðum þessa þriggja daga kynningu í skólanum og við byrjum að vinna í fyrramálið. Jólafríið hjá Hollendingunum var að byrja og bærinn er orðinn stútfullur af hollendingum. Við erum by the way einu manneskjurnar hér sem erum ekki frá Hollandi fyrir utan einn Þjóðverja sem er líka að vinna með okkur. Við verðum al talandi á Hollensku eftir seasonið þar sem það er það eina sem við heyrum. Godvordomme!!

Tinna er alveg heilluð af skíðasvæðinu hérna! Hún hefur aldrei áður komið á svona stórt skíðasvæði. Þetta er rosalega fallegt svæði, mikið af trjám og þegar maður kemur á toppinn er útsýnið geðveikt! Helga tók einn dag með öllum krökkunum og þau skíðuðu á milli þriggja bæja. Tekur heilan dag og þetta var ekkert smá gaman. Rosalega flott. Næst þegar við eigum frídag ætlum við að fara í svona ferð saman.

Í dag eru 12 dagar þangað til að Rakel kemur út! Við erum svo spenntar við getum varla sofið! Það verður svaka fjör..mikið skíðað og mikið djammað!! vúhúú

Í gær skelltum við okkur á djammið! Það er Aprés Ski bar beint fyrir neðan þar sem Helga býr. Þetta er aðal djamm staðurinn hérna, voða næs að geta bara stokkið heim og farið svo aftur á barinn. Við kynntumst helling af fólki og einn eldgamall kall splæsti endalaust á okkur Íslensku vinkonurnar! Við vorum rosa hressar! Vorum komnar heim eitthvað um rúmlega 4 höldum við....erum ekki alveg vissar samt.

Í dag var svo bara slökun hjá okkur 2, því á morgun byrjar brjálæðið! Í næsta bloggi fáiði að heyra hvernig fyrsti kennsludagurinn gekk! sjiiiii

Tschüss

Síðustu 2 vikurnar í Vín

Þá er komið að því að yfirgefa Vín eftir 6 vikna dvöl. Búin að kynnast helling af skemmtilegu fólki hérna og það verður leiðinlegt að kveðja þau og þá sérstaklega vini mína á Starbucks (starfsfólkið)!

Eftir að Helga fór byrjaði ég aftur í skólanum. Með mér í tíma voru 10 krakkar frá Hollandi. Sjokkerandi að það sé svona mikið að Hollensku fólki sem vilja verða skíðakennarar, þar sem það er ekki brekku að finna í Hollandi! Helga sagði líka að það væru svona 80% af krökkunum með henni í skóla í Kaprun frá Hollandi. En við náum þokkalega saman, krakkarnir í bekknum. Þetta eru 5 stelpur og 5 strákar frá aldrinum 18-24 ára. Byrjuðum alltaf í skólanum kl 1 en fyrir hádegi var oftast farið eitthvert að skoða. Nú er ég örugglega búin að sjá flest sem hægt er að sjá hérna í Vín. Fórum meðal annars á Wien Museum, United Nation bygginguna (sem var mjööög áhugavert að skoða), Parlamentið og röltum um borgina. Eftir skóla höfum við svo farið, ég og Noor bekkjarsystir mín, á náttúrusafnið í Vín sem var sjúklega flott..Hver hefði haldið að það væri svona gaman að skoða steina! En áður en við fórum þangað kíktum við inn í Háskólann hérna í Vín og hann er klikkaður, væri ekkert á móti því að fara þangað að læra.

Á fimmtudaginn síðasta fórum við tvær í óperuna að sjá Manon Lescaut, borguðum 4 evrur og stóðum í ca 3 tíma. Núna er stelpan búin að fara að sjá ballet og óperu! Annars er ég búin að vera mjög löt á kvöldin, ekki búin að vera duglega að kíkja með krökkunum út á lífið, sem er fínt því þá eyði ég ekki pening á meðan. Í gær fórum við svo út að borða (krakkarnir í blokkinni) á stað sem heitir Sentímetri en það á sko ekki við um skammtastærðina! Ein máltíð var fyrir svona fjóra. Unnur (stelpan sem ég bý með) fékk stóra skólfu af mat og einn enskur strákur fékk heilan búgarð af kjúklingavængjum. Eftir matinn fór ég svo heim og hitti ítölsku krakkana, fór með þeim niður í bæ og fengum okkur bjór. Í dag fóru margir af krökkunum í blokkinni aftur heim en flestir voru búnir að vera hér síðan í ágúst. Ég svaf út og fór svo að rölta um bæinn í síðasta skipti (í bili), kíkti inn í allar þrjár H&M búðirnar og fór síðast en ekki síst á Starbucks og fékk mér frappó og kanilsnúð. Knúsaði svo og kyssti allt starfsfólkið bless og þakkaði fyrir mig! (Djók) Þegar ég kom heim var ítalski sambýlismaður minn að elda fyrir okkur. Hann var búinn að lofa að elda ekta ítalskt pasta í síðustu kvöldmáltíðina mína, gúrm! Núna þarf ég að halda áfram að pakka og gera allt reddí því lestin mín fer kl. 06:44 í fyrramálið og verð komin til Kaprun um hádegið.

Helga kláraði skólann í dag og er komin með skíða- og snjóbrettakennslu réttindi =D whoop whoop! Hún ætlar að gista einni nótt lengur þarna til að geta hitt mig þegar ég kem. Svo heldur hún til Hinterglemm þar sem við erum að fara að vinna. Held samt að hún sé að fara að chilla þar þangað til við byrjum að vinna 15. des en mér skilst að hún fái strax lyftupassa svo hún getur haft það gott. Ég verð í Kaprun í 10 daga en þeir verða þannig að kl 8 á morgnanna er skíðakennsla á jöklinum, klukkutíma hádegispása, aftur í fjöllin og svo eru held ég bóklegir tímar á kvöldin svo þetta verður stanslaust prógram frá 8-21. Það verða held ég svona 200 manns að gera það sama og ég svo maður ætti nú að kynnast einhverjum skemmtilegum krökkum! Það er örugglega eitthvað sem ég er að gleyma en það er allt í góðu. Ætla að fara að taka mig til núna og reyna að fara snemma að sofa. Næsta blogg verður svo um leið og tími gefst til í Kaprun ;) Enda þetta á nokkrum myndum:

Parlamentið

Jólamarkaður

Steinar á náttúrusafninu

Við krakkarnir í bekknum

Annar steinn :)

Fyrir utan United Nation húsið

Ég og Unnur

Síðasti skóladagurinn

Gatan með öllum flottu merkjunum

Skóflan sem Unnur fékk!

Krakkarnir

Martyn búinn að klára búgarðinn

Ítölsku vinir mínir, Giancarlo er strákurinn sem býr með mér

Bless í bili

Bloggleysi

Ætlaði bara að láta ykkur vita að á morgun eða á laugardaginn kemur sjóðheitt blogg frá mér (Tinnu) um síðustu 2 vikurnar hérna í Vín :) Ekki láta það framhjá ykkur fara..